ألحت فرح وأتبعت شغفها لتدرس تخصص اللغة الإنجليزية الذي تريده منذ البداية

stay strong Farah
you have a great future ahead of you

مرحبا
لعل وعسى انه كلامي هذا يغير مسار حياتك وهذا الكلام اعرفي انه ما كان ممكن يوصلك الا لانه ربنا بحبك
أول اشي انا بشكر جهودك انك ما استسلمتي لظروفك وقررتي تكملي رغم كل الوجع اللي وجدتيه بحياتك
وأنا يمكن ما عشت حالتك فما بقدر اتخيل مدى ألمك اتجاه هاي المشاكل اللي بتوجعك
بدي اياكي تتذكري شغلة
أول اشي ( لن نُعدم خيرًا من ربٍّ يضحك)
ثاني اشي ربنا اختارك لهذا التحدي وهاي الرحلة الصعبة لانه عارف انك انتي قدها
مش بس قدها انك تكملي وما توقفي
لا هذا انا بقدر اعتبره اشي مهم بس ثانوي
انتي قدها لانه انتي كل يوم لربنا اقرب
وقدها لانه انتي بس لجأتي لربنا
وقدها لانه لما انكسرتي ووقعتي وقعتي ساجدة
قدها لانه قررتي توصلي وتدرسي اللي بدك تدرسيه رغم ظروفك
بدي منك شغلتين
أول اشي تحتسبي اجر دراستك لربنا وبعد ما تخلصي عخير تحتسبي اجر شغلك وعملك وتدريسك اذا سلكتي مهنة التعليم كذلك للّه
ثاني اشي وهاي بشارة وطلب
ربنا ان شاء الله راح يفتح عليكي وراح بعد هاي الضيقة يكون في فرج وهذا يقينًا بالله
بدي اياكي تساعدي غيرك واي حدا محتاج تعطيه ولو انتي محتاجة اكثر منه سواء هسا ولا لما ربنا يفتح عليكي
ساعدي الناس ولو بكلمة واذا بتقدري تساعدي بفلوس برضه خير وبركة
هاي وصيتي الك
ساعدي الناس قد ما تقدري
آخر اشي ممكن احكيه هو اللي دايمًا بسند على ربنا ما بوقع
الله يوفقك وييسر امورك ويعطيكي الف عافية
ويعطيكي ليرضيكي

كل التوفيق والنجاح في مسيرتك العلمية